Assalamu'alaikum warahmatullahi wabarakatuh sahabat kompasiana.com untuk pertemuan kali ini, mari kita belajar tentang Serat Tripama, yang mana Serat Tripama merupakan karya sastra dari KGPAA SRI MANGKUNEGARA IV sastra yang menyajikan kisah kepahlawanan dari tiga tokoh wayang. Saya tuliskan dalam Bahasa Jawa dan Bahasa Indonesia. Selamat belajar. Sukses barokah selalu. Aaamiin
Serat Tripama
Serat Tripama saking 3 tembung yaiku :
- Tri tegese telu
- Pa tegese patuladhan
- Ma tegese utama
Serat Tripama ditulis watara taun 1860an kanthi ancas didadekna panutan lan sumber inspirasi kang dijupuk kanggo patuladhan ora mung kanggo prajurit, nanging uga kanggo pangarsa/ pemimpin, lan masyarakat supaya bisa ngleksanakake tugase dhewek-dhewek kanthi bener lan pener.
Serat Tripama minangka karya sastra awujud tembang Dhandhanggula kang cacahe ana 7 pada. Serat Tripama mijil ing jaman Mangkunegaran, dianggit dening Kanjeng Gusti Pangeran Adiati Arya (K.G.P.A.A.) Mangkunegara IV ing Surakarta.
Serat Tripama (tiga suri tauladan) dumadi saka 7 pada tembang Dhandhanggula kang rinciane yaiku:
- Bait/ pada 1 lan 2 nyritakake Patih Suwanda
- Bait/ pada 3 lan 4 nyritakake Kumbakarna
- Bait/ pada 5 lan 6 nyritakake Adipati Karna
- Bait/ pada 7 minangka dudutan utawa kesimpulan
Tembang Dhandhanggula
Dhandhanggula menika saking tembung "gegadhangan" lan "gula". Gegadhangan saking tembung gadhang kang tegese pangarep-arep utawa cita-cita. Tembung gula tegese samubarang kang endah utawa becik. Dhandhanggula duweni makna pangarep-arep kang becik
Paugeran Tembang Dhandhanggula:
a. Guru Gatra: 10 gatra
b. Guru Wilangan: 10, 10, 8, 7, 9, 7, 6, 8, 12, 7
c. Guru Lagu: i, a, e, u, i, a, u, a, i, a
d. Watak tembang Dhandhanggula: luwes lan manis