Refleksi natal dan tahun baru.
Bulang tarus baganti, seng Teresa Katong suda ada di perhujung taong 2023 Katong sudah masuk Minggu-minggu adventus, lagu-lagu natal su babunyi sana sini, game-game Katong par pulang, yang di rantau hati mulai Balisa tagal lagu natal pung tahela.
Natal taong ini mungkin ada yang beda, ada yang harus biking natal tanpa orang-orang yang terkasih, ada yang biking natal tanpa mama, ada yang biking natal tanpa papa, ada yang biking natal tanpa Ade atau kk, mungkin karna kematian, atau harus terpisah oleh jarak, sampe harus tarima keadaan par natal sandiri.
Natal kali harus benar-benar Katong rayakan dengan kesederhanaan, natal datang bawa damai suka cita, jadi Inga orang tatua pung pasang, biar natal seng pake baju baru spatu baru ada muka baru, yang penting natal bawa damai bawa suka cita, supaya Katong bisa robah kalakuang, natal bisa kasih erat Katong orang sodarah, natal bisa satukan Katong yang sebelumnya laeng mara laeng, laeng binci laeng. Sebelum masuk natal mari Katong refleksikan Katong pung diri su, ada di penghujung taong 2023, Katong sudah lewati 365 hari Deng segalah proses terjadi dalam Katong pung Hidop.
365 hari bukan waktu yang singkat, ada banyak hal yang terjadi ada banyak beban yang harus Katong pikol, su ada di penghujung taong ini, sdki lai Katong harus lapas taong 2023 Deng segalah penuh sukacita, apa yang terjadi dalam taong 2023 akng jadi bahan refleksi, supaya Katong lebih kuat, lebih sabar Deng salalu bersyukur, supaya Katong masuk taong baru Deng penuh sukacita, tanpa kekurangan apapun. Mungkin ini kuti kata singkat dari bt. BETA MAU UCAPAN SELAMAT NATAL DENG SALAMAT MASOK TAONG BARU
