Kuningan-14 Desember 2024 Pendidikan Bahasa jeung Sastra Daerah Ngayakeun kagiatan BALAYAR (Baraya Lalakon Anyar) éntragan ka-16 dilapangan desa citangtu nu ngagaduhan tema TATA TITI RAHAYU NYANGKING DARMA RAHARJA nu hartosna Tertib Jeung Bijaksana Pikeun Kaamanahan tur Kasejahteraan.
dok.pri
BALAYAR (Baraya Lalakon Anyar) mangrupa kagiatan anu diayakeun sataun sakali di Himpunan Mahasiswa Pendidikan Bahasa dan Sastra Daerah anu kaasup program kerja HIMA DIKBASTRADA. Kagiatan ieu mangrupa tarékah pikeun ngaraketkeun HIMA DIKBASTRADA kabéh éntragan, ogé ngasah kamampuh sacara Basa, Sastra, jeung Budaya Sunda ogé tatakrama hususna pikeun Manyar atawa Mahasiswa Anyar.
Kagiatan BALAYAR salian ngawanohkeun sakabéh entragan, kagiatan ieu ngandung ajén-ajén atikan nu luhung pikeun mahasiswa Pendidikan Bahasa dan Sastra Daerah.
Dina runtuyan kagiatan BALAYAR nu kahiji nya éta pembukaan, dilajeng ku pamapag ti pupuhu panata calagara, kersana Fahmi Hikmatul Iksan, dilajeng ka pamapag ti pupuhu Prodi Pendidikan Bahasa dan Sastra Daerah, Kersana Bapak Fahmi Rakhman, M.Pd "Sing runtut raut sauyunan, pa euyep-euyep leungen, pa antai-antai tangan, sangkan urg bisa manggih kabagjaan dina kahirupan nu bakal nyorang ka urang sadayana. " Acara Salajengna nya éta pangbagéa ti direktur kemahasiswaan dan alumni Universitas Muhammadiyah Kuningan sakantenan ngabuka acara BALAYAR, ku Kersana Bapak Yoyo Zakaria, S.Pd.,M.Kom.
Dipungkas Ku Do'a sasarengan.
Nincak kana kagiatan salajengna nyaeta kagiatan Babad Alas anu tujuanna pikeun Latihan Dasar Kapamimpinan pikeun Manyar sangkan tiasa langkung berfikir kritisna dina nalika aya bangbaluh dina hiji organisasi anu kapayuna bakal di lakonan. Sarengse na Babad Alas rteras Manyar di kempelkeun deui di lapangan sarta sakabeh pangurus HIMA Dikbastrada pikeun Pengukuhan.
“Dery Agung Ismail salaku Pupuhu HIMA Dikbastrada ngawilujengkeun sumping ka Manyar di Himpunan Mahasiswa Pendidikan Bahasa Sastra Daerah”
Teras wae di sarengan ku sakabeh pangurus HIMA Dikbastrada kanggo pangwilujengan ka Manyar.
Nincak kana acara MAKRAB sadaya pangurus HIMA Dikbastrada sarta manyar kumpul ngariung anu tujuanna pikeun leuwih ngaraketkeun kaakraban,kasolidaritasan sakabeh pangurus HIMA Dikbastrada sareng Manyar.
Di poe pamungkas sadaya pangurus HIMA Dikbastrada sarta manyar ngariung deui pikeun halal bihalal sarengse na kagiatan BALAYAR entragan 16 .
Azri Nurul Farida & Cantika Adiprameswari