Dadi Caketos

Dening: Gusti Ayu Wedha Putri Surya

Freya kuwi siswa SMA kang wektu iku dadi pengurus OSIS ing sekbid 9, divisi sing ngurusi teknologi informasi lan komunikasi. Ing semester anyar, dheweke rada wedi amarga bakal ana acara, yaiku Pemilihan Ketua OSIS (PILKETOS). Kabeh anggota OSIS angkatane kudu ndhaptar PILKETOS. Wiwitane Freya ora ngarep-arep banget marang PILKETOS. Lumantar tahapan wawancara lan wes wulis, dheweke terus nindakake kanthi apik lan miturut dheweke.

Nganti akhire kanca kelase sing dadi panitia PILKETOS ngomong, "Freya, priksa emailmu". Freya rada kaget amarga dheweke ngrasa yen kuwi pengumuman 5 Calon Ketua Osis (CAKETOS). Nalika dibukak, pancen dheweke salah sijine calon Ketua OSIS. Sing paling diwedeni lan dikuwatirake yaiku kanca kelase sing wektu iku dadi pengurus OSIS sekbid 5, divisi sing ngurusi bidang demokrasi lan hak asasi, uga salah siji saka 5 CAKETOS. Freya wedi yen mlebu 3 final, kancane ora mlebu mengko rada kuciwa. Nanging pemilihan kuwi pancen kudu dilakoni amarga golek calon terbaik. Ngobrol ngalor ngidul karo kanca-kanca nang kelas, banjur disepakati sapa wae sing mlebu, kudu didukung.

Sajrone 5 besar, Freya uga melu LDK OSIS/PK kang minangka seleksi utawa kagiyatan pelatihan sadurunge nglanjutke masa jabatan sing diemban. Freya sing sakdurunge dadi pengurus OSIS lawas kudu bisa tanggung jawab marang adhine lan kanca-kancane. Freya uga kudu nggarap tugas tugas sekolah dheweke lan tanggung jawab liane. Dheweke tansah ngadhepi kondisi munggah-mudhun, nanging akeh kanca tansah menehi bantuan. Susah seneng nggarap tugas LDK karo mitra kerjane sing dadi pengurus bidang teknologi, informasi, lan komunikasi (PK). Sempet lara, amarga ora istirahat gawe nggarap tugas tugas sekolah, LDK, lan penugasan PILKETOS.

Sawise akeh alangan lan masalah, wektune pengumuman 3 CAKETOS. Freya nampa kabar saka salah sawijining panitia PILKETOS, nalika iku dheweke lagi nggarap tugas matematika, banjur weruh kabar. Freya mbuka gadget e, nampa kabar mlebu 3 calon sing diunggulke. Saking kagete, Freya ora ngiro yen mlebu 3 CAKETOS. Kanca-kanca kelase ora ngerti yen wektu iku dheweke ana ing 3 besar. Freya ngenteni wektu sing pas kanggo ngaturake iki. Perasaan campur aduk ngliputi dheweke. Freya ora iso mbayangke, dheweke ora tau nyekel event gedhe lan ora tau dadi panitia inti event, tapi iso dadi salah siji saka 3 kandidat CAKETOS.

Sawise woro-woro kanggo kanca kabeh. Dheweke kudu nggawe pidato lan debat antarane 2 calon liyane. Mlebu 3 calon kuwi marai Freya tambah semangat. Ana ukara, usaha ora ngiyanati hasil, Freya akhire yakin nek dheweke pancen duwe kemampuan. Wong tuwane uga menehi dukungan, amarga wes bakal dadi pengurus OSIS. Semangat nang ati lan dilakoni, banjur diwujudke mengko iso dadi kasunyatan.