Cempli yang biasanya ceria dan selalu gembira siang itu nampak murung. Sambil menyandarkan punggungnya pada dinding kayu pos ronda tak henti hentinya makian kecil keluar dari mulut Cempli. Pak erte yang kebetulan lewat dan melihat Cempli langsung berhenti tepat di depan pos ronda dan langsung menegur Cempli.
Pak erte: "Kenape lu mpli? Tumben tumbenan siang siang nongkrong di pos ronda? Giliran dapat jatah jaga malem aje lu ngilang".
Cempli: "Gue lagi kesel ame orang rumah te".
Pak erte: "Kesel kenape? Ribut lagi ame bini lu?".
Cempli: "Bukan kesel ame bini te, tapi ame mertua gue".
Pak erte: "Emang ade masalah apelagi? Prasaan rumah tangga elu kagak ade adem ademnye mpli..."
Cempli: "Iya te. Gue juga heran. Kemaren gue ribut ame bini, sekarang mertua gue yang ngajakin ribut dan bikin kesel gue".
Pak erte: "Emangnye lu ame mertua lu ribut apaan?".
Cempli: "Mertua gue kagak asyik. Masak gue duduk di meja makan keluarga aje kagak boleh?".
Pak erte: "Lah??? Segitunye mertua lu mpli. Emangnye kemaren kemaren lu duduk di ntu meja kagak boleh juga?".
Cempli: "Kemaren kemaren sih kagak nape nape tee.. Cuma dua hari ini gue dilarang duduk di ntu meja".