Nggedabrus...
Kandhane arep mrene jebul mrono.
Diparani mrono nyatane mrana.
Nggedabrus...
Jarene ning kana jebul ning kono.
Dipethuki ning kono malah arep ning kene.
Nggedabrus...
Ngundhang kembul bujana bareng digadang-gadang jebul ora adang.
Jarene sepi ing pamrih rame ing gawe nanging malah seneng cawe-cawe ora ana enteke.
Nggedabrus...
Jebul mung lamis.
Cidra janji njaluk sepura nanging dibolan-baleni.
Jare ngene jebul ngono.
Ngomong ngono nyatane ngene.