Sumelet panase sang bagaskara kang mlaku rindhit ing angkasa
Sanajan ta Dewa Bayu anyebul bumi agawe sumiliring angin ing jagad palemahan sawah ijo royo-royo
Nanging to bathuk lan ubun-ubun kaya umub arep njebluk
Njebluk wedi tetanen iki ora bakal panen jalaran lemah mlethek kepanasan
Kurang banyu. Dokpri
Mendhung kang gumantung mung mampir liwat keseret anginNgajak ngrasakake lumakune urip kang kaya roda manggilingan
Saiki mengisor kepanasan sesuk munggah kadhemen merga udan deres
Dokpri
Saiki mulya nanging sesuk aja nganti sangsaraKaya yuyu metu saka leng sing sepi banyu banjur mbrangkang nemu banyu kang buthek mambu nanging migunani
Adhem panas pancen kudu dirasa ora ngresula
Sumelete srengenge mung dirasa ing raga