Dening Anjrah Lelono Broto
wong Indonesia dudu bocah wingi sore
kang gampang lali kayadhene
nyruput duduh tape
ngorong nuli sumingkir kesiram banyune
kecele
yen ngira wong Indonesia kuwi ulap nyawang kalung monte
senadyan saiki dipoles emas 24 karat paribasane
ora lali nuli kagiwang lan nyoblos gambare
tansah eling yen tempe njilma saka dhele
jumbuh klawan pokal gawene
wiwit thimik-thimik nganti seprene
mung greneng, paido, pisuh, lan sakpanunggalane
nuju pernahe
nanging dudu jenenge
yen nuli leren lan ngilo ing kaca kamar atine
jangkahe terus manteb malah seprene
andhahane saya sora ngumbar ukara kang ngirengake
saingan-saingane
byuh, pindha wiramane lagu bara-bere
saya ngleter solah lan igelan bokonge
embuh, Yu, Mas, Pakdhe, Budhe, ayo disawang wae
Padepokan Girilusi, Maret 2014
Catatan:
Dimuat di Rubrik "Geguritan" Mingguan Berbahasa Jawa JAYA BAYA No. 32 Minggu I April 2014
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H