Tradisi suran ingkang taksih melekat wonten tengahing masyarakat jawi inggih punika setunggaling tradisi kangge nyambut sasi suro, leresipun ing tengah dalu tabuh 00.00 tanggal 1 suro. tradisi suran ingkang taksih dipuningah ngantos sapunika dikalangan masyarakat jawi inggih punika bentuk akulturasi budaya. saderengipun agami islam mlebet, wonten kalangan masyarakat jawi sampun nggadhahi tradisi budaya puniki ingkang sesambetan kalih warsa jawi ingkang dipunwastani warsa saka ingkang ngangge perputaran srengenge dados perhitunganipun.
Warsa hijriah ingkang inggih punika warsa islam wiwit dipunangge kala sultan agung saking mataram warsa 1625 m utawi betepatan kalih 1547 saka kalih ngedalaken setunggaling dekret ingkang isinipun nggantos penanggalan saka ingkang adhedhasar perputaran srengenge kalih kalender islam (hijriah) ingkang adhedhasar perputaran sasi (lunar/qomariah. demi asas kesinambungan, perpindahan warsa saka dados warsa hijriah mboten ngangge wicalan warsa hijriah wanci puniku inggih punika 1035 h, nanging nglajengaken wicalan warsa saka ingkang kangge wanci[wekdal] puniku inggih punika 1547 saka, nanging dipun-gantos dados warsa 1547 jawi.
Kedadosipun akulturasi budaya kasebat dados salah setunggal ciri menawi dikalangan masyarakat pemeluk islam wonten jawi taksih mertahanaken tradisi jawi ingkang sampun kangge saking rumiyin nanging ngangge syariat islam kados dene tradisi selamatan. langkung tebih tradisi ingkang thukul lan keingah wiwit saderengipun agami islam mlebet wonten jawi, salajengipun membaur lan gesang jejeran , kados tradisi macapatan lebeting bentuk pupuh (sekar ) ingkang gadhah isi criyos perjalanan nabi yusuf. tradisi macapatan dipunsajikaken ing wanci nyambut duginipun sasi suro utawi sura .