Sekar macapat durma panca pada :
KASUKAN DHADHU
Pra Pandhawa nampi sedhahan Kurawa
Dening patih Sangkuni
Kinenandrawina
Suka-suka ing driya
Kasukan dhadhu tan lali
Punjer candhala
Kang dadi darubeksi
Pandhawatan darbe panggraita ala
Marangkadang pribadhi
Satuhu pracaya
Kurawa kang culika
Wus ngrantam kanthi taliti
Gya kapaeka
Rinebut ingkang nagri
Pandhawa lima samya kasor wusana
Kudu netepi janji
Binuwang ing wana
Rolas warsa laminya
Sawarsaanamur dhiri
Tan kinawruhan
Ing Wiratha nagari
Indraprasta myang Madukara kang praja
Miwah kawula dasih
Datan ana sisa
Kalebu ingkang garwa
Yeku dyah ayu Drupadi
Banten kasukan
Kurawa nggegilani
Sang dyah ayu Drupadi ginonjak peksa
Dursasanapakarti
Rahayu Sang Kresna
Mitulungisang retna
Nunggal myang Pandhawa sami
Angayamwana
Hanetepi prajanji
Tepiswiring persil kopi, ratri sepi100912
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H