Kapado dunsanak kasadonyo,
Nan di Jorong Tanjuang Kaliang, Nagari Sungai Kamuyang nan ambo banggakan.
Assalamu'alaikum Warahmatullahi Wabarakatuh,
Alhamdulillah, syukur jo puji kapado Allah SWT baitu pulo sholawat jo salam untuak nabi kito yaitunyo Nabi Muhammad SAW.
Ambo yo taun iko lai bisa pulang ka kampuang. Ambo sabana ndak manyangko mancaliak kampuang kito nan lah samakin bakambang nan alah dicapai dek masyarakat Jorong Tanjuang Kaliang.
Yo bangga rasonyo mancaliak samangaik basamo jo silaturahim nan tarawat sangaik elok. Baitu pulo masyarakat nan taruih bapagang jo syarak sarato adaik kito Minangkabau.
Biya lah ambo batarimo kasih nan sagang-gadangnyo ka sado urang nan ado di kampuang. Ambo basyukur bisa marasoan suasana nan damai katiko bakumpua jo keluarga, tetangga, jo sanak famili.
Banyak bana hal-hal nan bisa ambo ambiak untuk dipelajari salamo barado di kampuang ko. diantaronyo baa supayo labiah maharagoi adaik jo budaya kito. tetap manjago silaturahim diantaro keluarga jo warga di kampuang.
Mako daripado itu, ambo taragak maagiah pasan pantiang nan mungkin baguno dek kito basamo.
Nan partamo sakali, jan lupoan ajaran agama jo adaik.
Syarak jo adaik adolah identitas nan sangaik pantiang untuak masyarakaik kito. jadian lah syarak jo adaik ko jadi landasan untuak hiduik bamasyarakaik dan jan pernah malupoan pasan-pasan nan ado didalamnyo.
Duo, kambangkan apo nan ado di kampuang ko.
Sabana banyak nan bisa dikambangan dari apo nan ado sarupo batani, bataranak, wisata jo kapandaian masyarakaik nan lainnyo.
Tigo, tingkek an iduik pado ilmu jo kasihatan.
Ilmu tu pantiang bana untuak iduik ko mah. jikok wak bailmu mako iduik bisa labiah elok. bapangaruah pulo ka kasihatan sacaro kasaluruhan kan maningkek.
Ampek, barasiahan jo jago kaindahan kampuang.
Kito punyo hak sadonyo untuak iduik di tampek nan barasiah. supayo sadonyo bisa marasoan mako andaknyo sadonyo pulo bisa saliang mangingek an.
Limo, ingek tuah sakato jan capek tasingguang.
Mari andaknyo kito saliang maharagoi, hormat jo saliang manolong nan lain. kok ado beda pandapek jo ide supayo dibicaroan elok-elok luh.
Itu nan dapek Ambo pesankan untuak urang di kampuang nan ambo hormati jo banggakan. kalo dapek yo andaknyo manjadi inspirasi jo motivasi untuak sado urang di kampuang tamasuak untuak diri ambo ko sabananyo.
Ambo mandoakan supayo kampuang awak ko bisa samakin samparono biya manjadi tampek nan nyaman untuak kito basamo, kini ko jo untuak salamonyo.