Geguritan Banyumasan
TAUN ANYAR
karya: Agustav Triono
Dina ganti taun nganyari
Ana sing kungkum kali ana sing ngumbah tosan aji
Ana sing ngaji ana sing ziarah wengi
Ana sing kerigan dalan dalan deresiki
Awak uga deresiki
Iman lan takwa dekandeli
Nyuwun lan ndonga marang Gusti
Ora liyane
Lempeng dalan uripe
Muga muga ganti taun anyar
Berkah tambah rejeki lancar.
1 Muharram 1437 H
