Lebaran Tenabang 2011 Bakalan Rame, Dateng Nyook!

Lam lekom! Nyang terhormat: Abang, None, Mpok, Ncing, Ncang, Bapak, Emak, Ntong, semuanye............di Kompasiane Kite-kite nyang orang betawi Tenabang punya ajatan HALAL BI HALAL Nyang ngerasa lahir dan gede di Tenabang, kumudian, kerne sesuatu akhirnye hijrah dari Tenabang, kerasa banget ade kekangenan buat kumpul-kumpul sodare dan kerabat tentunye. Temen-temen dan sodare-sodare kite nyang masi di Tenabang, ngajakin kumpul silaturahmi, baek nyang masih di Tenabang atawa nyang ude gak tinggal disitu lagi. Ari Sabtu, 17 September 2011, nyoook kite kumpul silaturahmi se-Tenabang, baek nyang masih di Tenabang atawa nyang ude gak tinggal disitu lagi. Insya Allah, ini bakalan jadi tradisi taonan nyang kite mulain ni taon. Acara utamanye silaturahmi Idul Fitri, kumdian kite mengenang musisi irama melayu terkenal dari Tenabang :”M.Mashabi”. Dan Insya Allah, bakalan dibagiin buku nyang diterbitkan ama TEBAS (Tenabang Bersatu). Semoga Allah Swt meringankan langkah Ngkong-Nyai, Nyak-Babe, Abang-Mpok dan sodare-sodare semua buat ngehadirin acara LEBARAN TENABANG 2011 Salam paling anget dari aye Jampang anti belande pribumi