Sampurasun
Purwakarta. Saptu,23/10/2021. Pangauban Kawih Sunda Sekar Kawinayan Purwakarta, nu dipingpin ku H. Ade Suryadin, S.Pd, M.Pd. Gawe bareng jeung MGMP Basa Sunda Purwakarta, nu dipupuhuan ku Achmad Sopian Effendi,M.Pd.Dinten saptu ieu ngayakeun latihan pupuh kanggo parasiswa SD jeung SMP. Kagiatan ieu dirojong ku Kepala Dinas Pendidikan Kabupaten Purwakarta, Dr. H. Purwanto. Salajengna oge dihadiran Hj. Onih, seniman Sunda Purwakarta, ais pangampih pangauban tur diwuwuh ku Dr. Indra Budiman, dosen UNSIKA, nu mikayaah tur mikareueus kana kawih Sunda.
"Dina raraga ngolah daya tur miara ajen budaya, salajengna mugia Kawih Sunda dipiboga kalayan dipikaresep masyarakat Sunda, pikeun ngahontal Kawih Sunda kudu jadi pribumi di tempat lahirna (sarakanana), dipiboga ku urang Sunda dimana wae ayana, jadi tameng pangaruh budaya asing nu teu mangpaat sarta teu luyu jeung kapribadian urang Sunda", ceuk H.Ade Suryadin, S.Pd,M.Pd.
Foto: Dokumentasi Pribadi
Pangauban Kawih Sunda Sekar Kawinayan Purwakarta ngabagi jirangan latihan pupuh. Latihan tabuh 09.00 - 11.30 kanggo SD. Tabuh 12.30 - 15.00 kanggo SMP. Midangkeun latihan Pupuh Pucung kanggo SD (Istri/Pameget). Pupuh Mijil kanggo SMP (Istri/Pameget).
Tempat latihan di sekretariat Pangauban Kawih Sunda Sekar Kawinayan.Alamat Desa Citalang, Kec. Purwakarta, Kabupaten Purwakarta, Jawa Barat 4111.
Teu hilap Protokol kasehatan tetep dijalankeun, utami kedah nganggo masker, ngajaga anggang sareng wawasuh panangan.
Cag!
Kang Yoga
