Krungu kabar wong Sewakul Ungaran nolak Jenazah, duh Gusti.. aku melu isin. Podo-podo aku wong ungaran kok ono sedulurku sek koyo ngono. Iki sek jenenge pemahaman masyarakate kurang.
Sek dikrunguni mung kabar korona wes nyebar, tapi rak nelusuri luweh adoh, piye cara penularane, piye coro ben amane, piye cara jaga jarak'e, piye coro ngadepi jenazah lan liyo-liyone.
Bar krungu kabar iku aku langsung telfon Makku, "Mak, pripun jane beritane?" jare Mak'ku uwes ditangani karo polisi. Duh, ojo nganti yo mak nek daerahe dewe ngono kui. Ben Sewakul wae, isin lho, didelok tur di olok-olok wong sak Indonesia. Makku manggut manggut jarene wes mudeng.
Lur, aku reti kowe kabeh wedi karo korona tapi yo ojo kenemenen banget tho. Almarhum kui wong sek berjuang nek garis ngarep, naruh nyowo nek kerjoane, gae sopo? Yo gae awak'e dewe, gae awakmu kabeh ben bagas waras.
Piye perasaane keluargane anak wedok'e sek jek berjuang malah ditolak jenazahe, diadohke seko kuburan keluargane? Piye nek kui kabeh awak'e dewe sek ngalami?
Njaluk tepo slirone to Lur, ayo podo-podo sinau bab korona. Ben opo? Ben ora ono meneh salah pemahaman. Ora nggor ngamanke awak'e dewe tapi ugo karo lingkungan.
Syukur-syukur iso ngrewangi wong liyo, iso dadi pahlawan nek masa pandemi. Mbuh iku seko mbantu wong-wong sek keno dampak, utowo ndukung kalian tenaga medis sek do taruhan nyowo.
Jenazah korban Covid 19 kui wes ono prosedure, wes dipastikke aman karo pemerintah. Dewe garek manut wae, opo meneh kui tonggone dewe, konco dewe, sedulure dewe.
Berita iki sampe tekan Pak Ganjar Lho Lur. Pak Ganjar sampek njaluk pangapuro,lho. Beritane yo tekan awakku sek mrantau nek Ibu Kota lan disiarke nek kabeh berita Tipi. Tonggo-tonggoku ngantek do tekon, "kui daerahmu yo, Re?" Aku melu isin tur kecewa Lur..
Ono sek luweh penting dijogo pas masa Korona iki, yoiku pasedulurane dewe kabeh, yoiku roso kemanusiaane dewe sek iseh diuji. Ono tonggo PDP ojo malah diadohi, tapi diayomi.
Peraturan jogo jarak tetep dilakokke, tapi komunikasi luweh akeh carane. Opo meneh saiki jaman handpone, iso telfon seko adoh ngekke'i semangat, ben wonge ora ngroso dikucilne.