Kue rangi, utawa kerep disebut sagu rangi, yaiku jajanan tradisional khas Betawi sing nduweni rasa unik lan khas. Kue iki digawe saka campuran glepung sagu lan klapa serut, lan dikenal amarga cara masake sing beda. Adonan kue rangi iki dipanggang ing cetakan khusus tanpa minyak nganti mateng, ngeluarake ambu wangi sing menggoda. Jeneng "rangi" asal saka tembung "digarang wangi," sing nggambarake proses panggangane iki.
Sakwise mateng, kue rangi disajikake nganggo saos gula merah sing kandel. Gula merah iki dicampur glepung sagu sethithik, ngasilake saos manis sing legit lan pas karo rasa gurih klapa serut ing kue rangi. Perpaduan rasa gurih lan manis iki sing ndadekake kue rangi disenengi nang masarakat. Nalika isih anget, kue iki nduweni tekstur empuk nang njero lan renyah nang njaba.
Nanging sayange, saiki kue rangi mulai angel ditemokake amarga akeh kue-kue modern sing luwih nyenengake, dadi penjual kue rangi uga mulai langka.
Ing Kutha Malang dhewe, upaya kanggo nglestarekake kue rangi dilakoni liwat festival kuliner, workshop, lan bantuan saka komunitas kuliner sing ngenalake marang masarakat sak dununge.
Sawetara kafe ing Malang uga mulai nyedhiyakake kue rangi kanthi modifikasi modern kanggo narik minat generasi muda. Saliyane kuwi, promosi liwat media sosial saka aktivis kuliner lokal uga mbantu ngenalake kue rangi marang masarakat Malang, supaya jajanan tradisional iki tetep dikenal lan disenengi nang njaba daerah asale, Betawi.
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H