Surat dari Indonesia Timur

Teruntuk Bapa Bapa di Jakarta
Dari Indonesia Timur

Dari atas para-para puisi ini beta tulis
Tentang harga kopra yang biking Bapatua  deng mama manangis

Karna,  soal karja dorang yang paling semangat
Tapi,  soal hasil Bapa-bapa dong yang paling sejahtera

Bukan tentang keindahan alam yang bisa beta lukis
Tapi,  ini tentang tuntutan yang seng pernah di gubris

Bapa-bapa di jakarta talalu sibuk bersengketa
Sampe lupa,  kalo beta tra bisa bayar biaya sekolah karna turunnya harga kopra

Bapa-bapa memang sukses bisa pimpin negara
Deng bukti lulus menggulingkan pemungutan suara
Tapi Bapa-bapa gagal biking rakyat sejahtera
Dan beta sebagai buktinya

Bapa-bapa seng lia mama manangis di pinggir para para
Bapa tua tadudu diatas kuli kalapa seng tau mau biking apa

Seng tau mau kase makan ana ana deng apa
Karena,  dari pohon kalapa Bapa tua bisa penuhi kebutuhan keluarga
Deng dari pohon kalapa sudah beta bisa sekolah
Tapi,  sekarang Bapa tua bilang beta harus ikhlas putus sekolah
Dan bantu Bapa tua biking kabong hidupi keluarga

Mama suruh beta patah pena lah pegang parang pigi pameri
Bukang lagi buku deng tas yang beta gendong tiap hari
Tapi karung deng parang di pinggang yang beta bawa demi sesuap nasi

Beta juga ingin sekolah untuk bisa jadi mentri seperti ibu susi
Tapi harga kopra paksa beta untuk kubur samua mimpi

Beta pung masa depan jadi suram
Beta pung cita cita sekarang tenggelam
Untuk Bapa-bapa di istana,surat ini sebagai salam
Salam Dari beta,  yang terpaksa di telan oleh Alamat.