Robah Atawa Punah ( Bagean ka Hiji )

Kiwari lain bareto anu sarwa tereh lantaran robahna mangsa robah oge manusa nu ngalakonanna, sakadar tulisan bareto ngagunaken alat anu basajan nepi na hese beleke, itungan poe, minggu, oge itungan bulan, kiwari itungan detik nepi kalayan tereh. 

Paingan kolot bahela pernah mere papagon yeun kudu lumampah bari cicing, lumaku teu kudu ingkah, ieu papagon piken sarerea karek kaharti jeung kabuka kiwari mangsa robah dina sagala widang, apan aya karasa kiwari geus bukti, umpama hayang mere tangara ka sobat atanapi dulur nu jauh cukup halo  na telepon, komo ayena mah bisa ningali dina telepon teh, kalayan teu lila.

Oge mun hayang balanja oge teu kudu jauh indit ka toko, cukup klik naon nudipikahayang bisa ka pimilik tereh, teu kudu ngurilingan toko. Ieu teh gambaran perdagangan bebas geus mahabu, antukna loba pisan barang nu ditawarkeun dina online kitu nyarebutna. Padahal loba oge prodak luar nagara Indonesia pasuliwer marengan pasuliwerna prodak beunang asal nagara sorangan. Beuki dieu beuki loba robahna  lain hal enteng enteng pikeun manusa nu ngalamanna lamun teu bisa ngigelanna. 

Mun seg nitenan mah bahela ujian barudak sakola ngandelkeun keretas, di dunya pendidikan robah tina ujian berbasis keretas, jadi ujian berbasis komputer, robah ngaran jadi Asesmen Nasional Berbasis Komputer, anu guna na pikeun ningkatkeun kamajuan sakola oge kamajuan barudak sakola.

Sumanget barudak dina enggoning ngesian ANBK anu diayakeun di SDN 2 Pangauban  kacida ngagedurna, po kahiji kamari ngesian literasi jeung survei karakter, ari literasi ngawengku kana ngawanohkeun reng mika cinta maca, lewih faham kana eusinging anu dibaca, anapon survei karakter ngawengku kana jatining diri siswa, atuh dina poe kadua numerasi jeung survei lingkungan belajar,  numerasi mah katingali rada ngahuleng barudak teh lantaran ngitung pakait jeung matematika bahela mah. Survei lingkungan belajar mah pakait jeung kaayaan di sakola. Kacida lobana eta oge pamangih salila di sakola campur gaul jeng balad, sili eledan sili bantu, oge aya pilihan ulah nepi ka sili ledek buliying istilah ayena. Rupaning buliying aya anu mangrupa lisan langsung aya oge bentuk tulisan, bisa oge ku gambar, ieu hal apik dina ngagunakeun media sosial, taya waktu nukapiceun pikeun terus ngabimbing siswa sangkan hade dina diajar nulis di media sosial.

Mangsa robahna kaayaan tangtu tinemu dua gerentel, gerentel kahiji mawa hade, nukadua tinemu kurang hade. Anu kurang hade ieu kudu aya atikan reng didikan anu diwengku ku orang tua siswa, samiuk babarengan jeung guru merhatikeun.  Anu lewih hade ngaronjatkeun ajen pangaweruh pikeun mikawanoh teknologi informasi. Boa taun nubaris kasorang mah lumangsung diajar di sakola teh live streming anu langsung di sakseni ku pamarentah pusat. Bukti nu keur karandapan ayena Asesmen Nasional Berbasis Komputer. Katingali siswa anu acan jeung anu geus  migawe soal kalayan tuntas. 

Dina emprona hasil ANBK teh kana rapor pendidikan sakola, atra katara pisan hasilna, dina hal ieu sakola aya kawajiban pikeun nalungtik esining rapor pendidikan, anu alus kudu lewih di tingkatkeun, anapon anu kurang mah satekah polah diomean sangkan lewih ningkat.

Dina ieu hal teu mustahil lamun aya upaya pikeun ngarobah, malah mun teu robah pinasti punah. Salah sahiji tarekah pikeun lumangsungna ngayaan sarana patali ANBK, mukana lawang langit oge hal anu lewih penting nyatana syinyal jaringan internet oge kudu lewih kuat, oge nyiapkeun siswa dina raraga lewih pinunjul dina widang literasi jeung numerasi. 

Cag